-------------
O'zbekiston Respublikasi Vazirlar Mahkamasining QARORI O'zbekiston Respublikasi Hukumatining ayrim qarorlariga o'zgartirish va qo'shimchalar kiritish to'g'risida ("Tovar belgilari, xizmat ko'rsatish belgilari va tovar kelib chiqqan joy nomlari to'g'risida"gi O'zbekiston Respublikasi Qonuniga o'zgartish va qo'shimchalar kiritish haqida"gi O'zbekiston Respublikasining 2007 yil 19 sentyabrdagi O'RQ-111- sonli Qonuni)
"Tovar belgilari, xizmat ko'rsatish belgilari va tovar kelib chiqqan joy nomlari to'g'risida"gi O'zbekiston Respublikasi Qonuniga o'zgartish va qo'shimchalar kiritish haqida"gi O'zbekiston Respublikasining 2007 yil 19 sentyabrdagi O'RQ-111- sonli Qonuniga muvofiq Vazirlar Mahkamasi qaror qiladi:
O'zbekiston Respublikasi Hukumatining ilovaga muvofiq ayrim qarorlariga o'zgartirish va qo'shimchalar kiritilsin.
O'zbekiston Respublikasining Bosh vaziri Sh. Mirziyoev
O'zbekiston Respublikasi Vazirlar Mahkamasining
2008 yil 7 maydagi 89-son qaroriga ilova
O'zbekiston Respublikasi Hukumatining ayrim qarorlariga kiritilayotgan o'zgartirish va qo'shimchalar
1. O'zbekiston Respublikasi Vazirlar Mahkamasining "O'zbekiston Respublikasi Davlat patent idorasi faoliyatini tashkil etish to'g'risida" 2002 yil 14 iyundagi 209-son qarorida (O'zbekiston Respublikasi QT, 2002 y., 6-son, 32-modda; 2006 y., 4-son, 26-modda):
1) 2-ilovada:
8-bandning oltinchi xat boshidagi "reestrlarini" so'zidan keyin "va O'zbekiston Respublikasida hammaga ma'lum bo'lgan tovar belgilari ro'yxatini" so'zlari qo'shilsin;
16-bandning birinchi xat boshidagi "apellyasiyalarni" so'zidan keyin "shuningdek O'zbekiston Respublikasida hammaga ma'lum tovar belgilari ro'yxatini e'tirof etish to'g'risidagi arizalarni" so'zlari qo'shilsin;
2) 3- ilova 6-bandining birinchi xat boshidagi "Hisobot davrida" so'zlaridan keyin "yuridik ahamiyatga ega bo'lgan xatti-harakatlar uchun" so'zlari qo'shilsin.
2. O'zbekiston Respublikasi Vazirlar Mahkamasining "O'zbekiston Respublikasi Davlat patent idorasining Apellyasiya kengashi to'g'risidagi Nizomni hamda Patent vakillari to'g'risidagi Nizomni tasdiqlash haqida" 2003 yil 1 iyuldagi 298-son qaroriga (O'zbekiston Respublikasi QT, 2003 y., 7-son, 55-modda; 2006 y., 4-son, 26-modda) 1- ilovada:
1) 4-bandda:
a) "g"-kichik bandining ikkinchi va uchinchi xat boshi quyidagi tahrirda bayon qilinsin:
"O'zbekiston Respublikasi hududida belgining xalqaro ro'yxatdan o'tkazilishining amal qilishi;
tovar belgisi va xizmat ko'rsatish belgisi, tovarning kelib chiqqan joy nomidan foydalanish huquqi to'g'risidagi guvohnomaning haqiqiyligi yuzasidan apellyasiyalarini ko'rib chiqadi";
uchinchi xat boshi to'rtinchi xat boshi deb hisoblansin:
b) "j"-kichik bandi chiqarib tashlansin;
v) quyidagi mazmundagi xat boshi qo'shilsin:
"Apellyasiya kengashi O'zbekiston Respublikasida hammaga ma'lum tovar belgilari ro'yxatini e'tirof etish to'g'risidagi arizani ko'rib chiqadi (keyingi o'rinlarda "ariza" deb ataladi)";
2) 5-banddagi "apellyasiya", "apellyasiyani" so'zlaridan keyin tegishli ravishda "yoki ariza", "yoki arizani" so'zlari qo'shilsin;
3) 10- va 12-bandlardagi "apellyasiya" so'zidan keyin "yoki ariza" so'zlari qo'shilsin;
4) 13-banddagi "apellyasiyalar" so'zidan keyin "yoki arizalar" so'zlari qo'shilsin;
5) 14- va 16-bandlardagi "apellyasiyalarni" so'zidan keyin "yoki arizalarni" so'zlari qo'shilsin;
6) 15-banddagi "apellyasiya" so'zidan keyin "yoki ariza" so'zlari qo'shilsin.
3. O'zbekiston Respublikasi Vazirlar Mahkamasining "Patent bojlari to'g'risidagi Nizomni va Patent ojlari stavkalarini tasdiqlash haqida" 2006 yil 20 apreldagi 65-sonli qaroriga (O'zbekiston Respublikasi QT, 2006 yil, 4-son, 26-modda) 2- ilovada:
1) 1-bo'limda:
a) "Bojning vazifasi" ustunidagi 1.3-kichik bo'limning 1.3.3-bandidan "oldindan beriladigan patentlar" so'zlari chiqarib tashlansin;
b) "Bojning vazifasi" 1.4-kichik bo'limning 1.4.4-bandidan "oldindan beriladigan patentning" so'zlari chiqarib tashlansin;
2) 3-bo'limda:
a) "Bojning vazifasi" ustunidagi 3.2- kichik bo'limning 3.2.1-bandiga quyidagi mazmundagi xat boshi qo'shilsin:
"O'zbekiston Respublikasida hammaga ma'lum tovar belgilari ro'yxatdagi tovar belgisini kiritish";
b) "Bojning vazifasi" ustunida 3.2- kichik bo'limning 3.2.2-bandiga "hammaga ma'lum tovar belgilariga tegishli ma'lumotlar" so'zlari qo'shilsin;
v) "Boj to'langanligi to'g'risidagi hujjatni taqdim etish muddatlari" ustunining 3.2.- kichik bo'limidagi "Ekspertiza qarori" so'zlaridan keyin "yoki Apellyasiya kengashining O'zbekiston
Respublikasi hududida hammaga ma'lum tovar belgilari ro'yxatini e'tirof etish to'g'risidagi qarori" so'zlari qo'shilsin;
g) "Bojning vazifasi" ustunidagi 3.3- kichik bo'limning 3.3.3-bandidagi "huquqiga" so'zi "huquqi to'g'risidagi" so'zlari bilan almashtirilsin;
d) "Bojning vazifasi" ustunidagi 3.5- kichik bo'limning 3.5.2-bandidagi "huquqiga" so'zi "huquqi to'g'risida" so'zlari bilan almashtirilsin;
3) 6-bo'limda:
a) bo'limning nomidagi "Apellyasiyalarni" so'zidan keyin "va arizalarni" so'zlari qo'shilsin;
b) "Bojning vazifasi" ustunining 6.3- kichik bo'limiga quyidagi mazmundagi ikkinchi xat boshi qo'shilsin:
"tovar belgisi va xizmat ko'rsatish belgisi, tovar kelib chiqqan joy nomidan foydalanish huquqi to'g'risidagi guvohnomaning haqiqiyligiga qarshi apellyasiyalar";
ikkinchi-uchinchi xat boshi tegishli ravishda uchinchi-to'rtinchi xat boshi deb hisoblansin;
v) "Bojning vazifasi" va "Boj to'langanligi to'g'risidagi hujjatni taqdim etish muddatlari" ustunlaridagi va 6.5- kichik bo'limning nomidagi "apellyasiyalar" so'zi "arizalar" so'zi bilan almashtirilsin.