قانون جمهورية أذربيجان بشأن الثقافة، أذربيجان

Mәdәniyyәt haqqında

AZӘRBAYCAN RESPUBLİKASININ QANUNU

Bu Qanun Azәrbaycan Respublikasında mәdәniyyәt sahәsindә dövlәt siyasәtinin әsas prinsiplәrini,
vәtәndaşların hüquq vә azadlıqlarını, milli mәdәniyyәt sәrvәti obyektlәrinin qorunub saxlanmasının
vә inkişafının, mәdәniyyәt sisteminin demokratik әsaslarla tәşkili vә idarә olunmasının, mәdәniyyәt
sahәsindә fәaliyyәtin hüquqi әsaslarını vә beynәlxalqәlaqә formalarını müәyyәn edir.
Bu Qanun bütün xalqların mәdәni özünәmәxsusluğunun mәnbәyi olan şifahi xalq yaradıcılığının, adәtәnәnәlәrin qorunmasına vә inkişafına, daha çox insanın mәdәni irsdәn vә mәdәniyyәt sәrvәtlәrindәn
istifadәsini tәmin etmәk mәqsәdilә bu sәrvәtlәrin yaradılmasına, artırılmasına vә yayılmasına tәkan verir,
habelә yaradıcı işçilәrin sosial müdafiәsini tәmin edir.

I fәsil

ÜMUMİ MÜDDӘALAR

Maddә 1. Mәdәniyyәt sahәsindә dövlәt siyasәtinin әsas prinsiplәri vә vәzifәlәri

Azәrbaycan Respublikasının mәdәniyyәt sahәsindә dövlәt siyasәtinin әsas prinsiplәri aşağıdakılardır:
sosial vә maddi vәziyyәtindәn, milli, irqi, dini vә cinsi mәnsubiyyәtindәn asılı olmayaraq hәr kәsin
mәdәniyyәt sәrvәtlәrinin yaradılmasında, istifadәsindә vә yayılmasında hüquq bәrabәrliyi;
hәr kәsin istedadının, әqli imkanlarının üzә çıxarılmasının vә yaradıcılıq azadlığının tәmin edilmәsi;
milli mәdәniyyәtin bәşәr mәdәniyyәtinin tәrkib hissәsi kimi inkişaf etdirilmәsi.
Azәrbaycan Respublikasının mәdәniyyәt sahәsindә dövlәt siyasәtinin vәzifәlәri aşağıdakılardır:
mәdәni hәyat tәrzinin formalaşdırılması;
milli vә dünya mәdәniyyәti sәrvәtlәrinә qovuşmağa yönәldilәn tәhsil sisteminin inkişaf etdirilmәsi;
mәdәniyyәt sahәsindә inhisara yol verilmәmәsi;
dövlәt mәdәniyyәt sisteminin müxtәlif mәnbәlәrdәn maliyyәlәşdirilmәsinin uzlaşdırılması;
yaradıcılıq fәaliyyәtinin bütün sahәlәr üzrә yüksәlişi üçün şәrait yaranmasına kömәk etmәk
mәqsәdilә ictimai müzakirәlәrin müxtәlif formalarından, ekspertiza vәmüsabiqәlәrdәn
istifadә etmәklә mәdәniyyәtin inkişaf istiqamәtlәrinin hazırlanması;
mәdәniyyәt sәrvәtlәrinin qorunması vә artırılması;
Azәrbaycan Respublikasının mәdәniyyәt potensialının inkişafına, mühafizәsinә vә ondan hәrtәrәfli
istifadә olunmasına, mәdәniyyәt sahәsindә geniş miqyaslı beynәlxalqәmәkdaşlığa şәrait yaradılması;
dövlәt mәdәniyyәt sisteminin elmi vә mütәrәqqi metodlarla idarәçiliyinin tәmin edilmәsi;
tarix vә mәdәniyyәt abidәlәrinin qeydiyyata alınması, qorunması vә bәrpası üçün müvafiq tәdbirlәrin
görülmәsi;
mәdәniyyәtin inkişafına dair milli proqramların hazırlanması vә hәyata keçirilmәsi, beynәlxalq
proqramların hazırlanmasında iştirak edilmәsi;
görkәmli mәdәniyyәt xadimlәrinin xatirәsinin әbәdilәşdirilmәsi üçün tәdbirlәr görülmәsi;
mәdәniyyәtin inkişafı fondlarının yaradılmasının tәmin edilmәsi;
Azәrbaycan Respublikasında milli mәdәniyyәtin tәrәqqisi vә müasir dünya mәdәniyyәti ilә inteqrasiyasını,
milli әnәnәlәrin dirçәldilmәsi vә inkişafını, әhalinin mәnәvi tәlәbatının ödәnilmәsini tәmin edәn
mәdәniyyәt әsәrlәrinin yaradılması üçün hәvәslәndirici tәdbirlәrin görülmәsi;
mәdәniyyәt vә incәsәnәtin nailiyyәtlәrindәn istifadә edilmәsindә vәtәndaşların konstitusiya
hüquqlarının, әhalinin zәngin milli vә dünya mәdәniyyәti sәrvәtlәrindәn faydalanmasının tәmin edilmәsi;
mәdәniyyәt tәsisatlarının normal fәaliyyәtinin, onların maliyyәlәşdirilmәsinin vә maddi-texniki bazasının
möhkәmlәndirilmәsinin tәmin edilmәsi;
mәdәniyyәtin ixtisaslı kadrlara olan ehtiyacının tәmin edilmәsi.

Maddә 2. Azәrbaycan Respublikasının mәdәniyyәt sahәsindә qanunvericiliyi

Mәdәniyyәt sahәsindә qanunvericilik bu Qanundan vә Azәrbaycan Respublikasının digәr normativ hüquqi aktlarından ibarәtdir. Mәdәniyyәt sahәsini tәnzimlәyәn normativ hüquqi aktlarla Azәrbaycan Respublikasının tәrәfdar çıxdığı dövlәtlәrarası müqavilәlәr arasında ziddiyyәt yaranarsa, hәmin beynәlxalq müqavilәlәr tәtbiq edilir.

Maddә 3. Tarix vә mәdәniyyәt abidәlәrinin qorunması

Azәrbaycan Respublikasında bütün hüquqi vә fiziki şәxslәr tarix vә mәdәniyyәt abidәlәrini qorumağa borcludurlar.

Tarix vә mәdәniyyәt abidәlәrinin qorunmasının qaydaları Azәrbaycan Respublikasının müvafiq qanunu ilә müәyyәn edilir.

Maddә 4. Mәdәniyyәt sahәsindә yerli özünüidarә orqanlarının sәlahiyyәtlәri Yerli özünüidarә orqanları bu Qanundan irәli gәlәn bütün hüquqların vә azadlıqların sәrbәst hәyata keçirilmәsinә şәrait yaradırlar.

Maddә 5. Mәdәniyyәt haqqında qanunvericiliyin pozulmasına görә mәsuliyyәt Mәdәniyyәt haqqında qanunvericiliyin pozulmasına görә mәsuliyyәt Azәrbaycan Respublikasının mülki, cinayәt, inzibati vә digәr qanunvericiliyi ilә müәyyәn edilir. II fәsil

MӘDӘNİYYӘT SAHӘSİNDӘ VӘTӘNDAŞLARIN HÜQUQLARI, AZADLIQLARI VӘ VӘZİFӘLӘRİ

Maddә 6. Mәdәniyyәt hüququ

Azәrbaycan Respublikası Konstitusiyasının 40-cı maddәsinin I hissәsinә uyğun olaraq hәr kәsin mәdәni hәyatda iştirak etmәk, mәdәniyyәt tәsisatlarından vә mәdәni sәrvәtlәrdәn istifadә etmәk hüququ vardır. Mәdәni sәrvәtlәrdәn istifadә hüququ yalnız Azәrbaycan Respublikasının qanunvericiliyi ilә müәyyәn edilmiş hallarda vә qaydada mәhdudlaşdırıla bilәr. Azәrbaycan Respublikasının әrazisindәәcnәbilәr vә vәtәndaşlığı olmayan şәxslәr Azәrbaycan Respublikasının vәtәndaşları ilә bәrabәr mәdәniyyәt hüququna malikdirlәr.

Maddә 7. Yaradıcılıq azadlığı

Azәrbaycan Respublikası Konstitusiyasının 51-ci maddәsinin I hissәsinә uyğun olaraq hәr kәsin yaradıcılıq azadlığı vardır. Hәr kәs öz maraqlarına vә qabiliyyәtinә uyğun istәnilәn yaradıcılıq fәaliyyәti ilә mәşğul olmaq hüququna malikdir. Bu hüquq hәm peşәkar, hәm dә hәvәskar әsasda hәyata keçirilә bilәr. Müәlliflik hüququ, әqli mülkiyyәt hüququ, yaradıcılıq fәaliyyәtinin nәticәlәrindәn sәrbәst istifadә etmә vә dövlәt tәrәfindәn dәstәklәnmә baxımından yaradıcılıq fәaliyyәti ilә mәşğul olan şәxslәr bәrabәr hüquqludurlar. Hәr kәsin özünün yaradıcılıq fәaliyyәtinin nәticәlәrinә mülkiyyәt hüququ vardır. Bu hüquq Azәrbaycan Respublikasının qanunvericiliyi ilә müәyyәn edilmiş qaydada hәyata keçirilir. Azәrbaycan Respublikasının qanunvericiliyi ilә müәyyәn edilmiş qaydada Azәrbaycan Respublikası vәtәndaşının özünün yaradıcılıq fәaliyyәtinin nәticәlәrini nümayişetdirmәk, satmaq, habelә bu mәqsәdlәr üçün xarici ölkәlәrә aparmaq hüququ vardır.

Maddә 8. Mәdәni özünәmәxsusluq hüququ

Hәr kәsin özünün milli mәdәni özünәmәxsusluğunu qoruyub saxlamaq, mәnәvi, estetik vә digәr dәyәrlәri
sәrbәst seçmәk hüququ vardır.
Dövlәt şәxsin mәdәni özünәmәxsusluq hüququna tәminat verir.

Maddә 9. Mәdәniyyәt sahәsindә ictimai birliklәr vә müәssisәlәr yaratmaq hüququ

Azәrbaycan Respublikası vәtәndaşlarının Azәrbaycan Respublikasının qanunvericiliyi ilә müәyyәn edilmiş qaydada mәdәniyyәt sahәsindә ictimai birliklәr, müәssisәlәr yaratmaq, habelә bu sahәdә sahibkarlıq fәaliyyәti ilә mәşğul olmaq hüququ vardır.

Maddә 10. Mәdәniyyәt sahәsindә vәzifәlәr

Azәrbaycan Respublikası Konstitusiyasının 40-cı maddәsinin II hissәsinә uyğun olaraq hәr kәs tarixi,
mәdәni vә mәnәvi irsә hörmәtlә yanaşmalı, ona qayğı göstәrmәli, tarix vәmәdәniyyәt abidәlәrini
qorumalıdır.
Hәr kәs:
mәdәniyyәt sahәsindә Azәrbaycan Respublikası qanunvericiliyinin tәlәblәrinәәmәl etmәli;
xalqın mәdәni әnәnәlәrinә hörmәt etmәli;
Azәrbaycan xalqının, o cümlәdәn Azәrbaycan Respublikasının әrazisindә yaşayan bütün etnik qrupların
mәdәniyyәtinә, dilinә, adәt vәәnәnәlәrinә hörmәt bәslәmәli;
uşaqların vә yeniyetmәlәrin estetik tәrbiyәsinә, mәdәni inkişafına qayğı göstәrmәli;
Azәrbaycan Respublikasının qanunvericiliyi ilә müәyyәn edilmiş digәr vәzifәlәri yerinә yetirmәlidir.
Heç kәs vә ya heçbir tәsisat bütövlükdә mәdәniyyәt fәaliyyәtini vә ya mәdәniyyәt fәaliyyәti
növünü inhisarda saxlamamalı vә vәtәndaşların sәrbәst mәdәniyyәt fәaliyyәtinәmane olmamalıdır.

Azәrbaycan Respublikasının әrazisindәәcnәbilәr vә vәtәndaşlığı olmayan şәxslәr mәdәniyyәt sahәsindә Azәrbaycan Respublikasının qanunvericiliyi ilә müәyyәn edilmişvәzifәlәri yerinә yetirmәlidirlәr.

III fәsil

DÖVLӘTİN MӘDӘNİYYӘT SAHӘSİNDӘ VӘZİFӘLӘRİ

Maddә 11. Milli mәdәniyyәtin qorunub saxlanması, onun inkişafına yardım göstәrilmәsi

Dövlәt milli mәdәniyyәtin (Azәrbaycan xalqının, o cümlәdәn Azәrbaycan Respublikasının әrazisindә tarixәn yaşayan vә ya mәskunlaşmış bütün etnik qrupların özünәmәxsus mәdәniyyәtinin) qorunub saxlanmasına, onun inkişafına tәminat verir. Milli mәdәniyyәt sahәsindә hәyata keçirilәn fәaliyyәt dövlәtin himayәsindәdir.

Maddә 12. Milli mәdәniyyәt sәrvәtlәrinin mühafizәsi

Dövlәt milli mәdәniyyәt sәrvәtlәrinin mühafizәsini tәmin edir.
Dövlәt Azәrbaycan Respublikasından çıxarılmış milli mәdәniyyәt sәrvәtlәrinin geri qaytarılmasını tәşkil
edir.
Respublika әrazisinә qaytarılan milli mәdәniyyәt sәrvәtlәrinә görә gömrük rüsumu vә digәr rüsumlar
alınmır.
Milli mәdәniyyәt sәrvәtlәrinin mühafizәsinin vә onlardan istifadәnin, habelә milli mәdәniyyәt sәrvәtlәrinin
Azәrbaycan Respublikasından kәnara çıxarılmasının qaydalarınımüvafiq icra hakimiyyәti orqanı müәyyәn
edir.

Maddә 13. Mәdәniyyәt vә yaradıcılıq fәaliyyәti ilә mәşğul olan subyektlәrin hüquqlarının vә azadlıqlarının müdafiәsi

Dövlәt mәdәniyyәt vә yaradıcılıq fәaliyyәti ilә mәşğul olan subyektlәrin hüquqlarına vә azadlıqlarına tәminat verir. Müvafiq dövlәt orqanları mәdәniyyәt vә yaradıcılıq fәaliyyәti ilә mәşğul olan subyektlәrin hüquqlarının

Dövlәt mәdәniyyәt sәrvәtlәrinin yaradılması, çoxaldılması vә yayılması, mәdәniyyәt fәaliyyәti sahәsindә vasitәçilik fәaliyyәti ilә mәşğul olan tәşkilatların, müәssisәlәrin vәidarәlәrin yaradılmasına vә inkişafına yardım göstәrir.

Maddә 16. Әhalinin mәdәniyyәt xidmәtlәrilә minimum tәmin olunması

Müvafiq icra hakimiyyәti orqanı әhalinin mәdәniyyәt xidmәtlәrilә minimum tәmin olunması üçün dövlәt mәdәniyyәt tәsisatları (kitabxana, muzey, klub, kinoteatr, teatr, sәrgi vә konsert salonları, musiqi vә incәsәnәt mәktәblәri) normalarını müәyyәn edir.

Maddә 17. Mәdәniyyәt fәaliyyәtinә dövlәt müdaxilәsinin mәhdudlaşdırılması

Dövlәtin mәdәniyyәt fәaliyyәtinә müdaxilәsi zorakılığa, irqi, milli vә dini müstәsnalığa çağırışların, ümumbәşәri mәnәvi dәyәrlәrә zidd fәaliyyәtin, pornoqrafiyanın, narkomaniyanın tәbliğinin qadağan olunması, onların qarşısının alınması ilә mәhdudlaşır. Bu maddәnin birinci hissәsindә göstәrilәn hәr hansı mәdәniyyәt fәaliyyәti müvafiq icra hakimiyyәti orqanının müraciәtinәәsasәn yalnız mәhkәmә tәrәfindәn Azәrbaycan Respublikasının qanunvericiliyi ilә nәzәrdә tutulmuş qaydada qadağan edilә bilәr. Mәdәniyyәt fәaliyyәtinә müdaxilәnin digәr formalarına yol verilmir.

Maddә 18. Mәdәniyyәt sahәsindә inhisarın qarşısının alınması

Mәdәniyyәt sahәsindә inhisarın qarşısının alınması Azәrbaycan Respublikası qanunvericiliyi ilә nәzәrdә tutulmuş qaydada müvafiq icra hakimiyyәti orqanı tәrәfindәn hәyata keçirilir.

Maddә 19. Mәdәniyyәt statistikası

Müvafiq icra hakimiyyәti orqanları mәdәniyyәt sahәsindә rәsmi statistika aparırlar vә statistik mәlumatların düzgünlüyünә, vaxtında toplanmasına cavabdehdirlәr. Azәrbaycan Respublikasında mәdәniyyәt sahәsindә statistik mәlumatlar açıqdır.

IV fәsil

MӘDӘNİYYӘT FӘALİYYӘTİ VӘ ONUN NÖVLӘRİ

Maddә 20. Dövlәt mәdәniyyәt sistemi vә onun vәzifәlәri

Azәrbaycan Respublikasının dövlәt mәdәniyyәt sistemi dövlәtә mәxsus mәdәniyyәt sәrvәtlәrindәn, bu
sәrvәtlәrin vә milli mәdәniyyәtin inkişafı, mühafizәsi, tәbliği vәartırılması ilә mәşğul olan mәdәniyyәt
müәssisәlәri şәbәkәsindәn, mәdәniyyәti idarә edәn orqanlardan, milli-mәdәni әmlakın bәrpası,
mәdәniyyәt müәssisәlәrinin maddi-texniki bazasının möhkәmlәndirilmәsi ilә mәşğul olan digәr dövlәt
mәdәniyyәt tәsisatlarından ibarәtdir.
Dövlәt mәdәniyyәt sisteminә dövlәtin mülkiyyәtindә olan aşağıdakı tәsisatlar daxildir:

1. Teatr-konsert müәssisәlәri:
   opera, balet, dram, musiqili komediya, musiqili dram, gәnc tamaşaçılar, kukla, mahnı, muğam, vә digәr
   teatrlar;
   filarmoniyalar, konsert salonları vә sarayları, musiqi zalları, sirklәr, folklor qrupları, peşәkar orkestrlәr
   vә musiqi kollektivlәri;
   teatr-studiyalar, teatr-emalatxanalar, eksperimental vә tәdris teatrları, teatr, musiqi vә tәsviri sәnәt
   mәrkәzlәri;
   
2. Kitabxana müәssisәlәri:
   milli kitabxana;
   kütlәvi, gәnclәr, uşaq, korlar, şәhәr, rayon, kәnd, qәsәbә kitabxanaları vә onların filialları,
   mәrkәzlәşdirilmiş kitabxana sistemlәri;
   sahә kitabxanaları, elmi kitabxanalar;
   
3. Muzey müәssisәlәri:
   bәdii vә incәsәnәt, tarix vә tarix-diyarşünaslıq muzeylәri;
   әdәbiyyat, teatr vә musiqi profilli, memorial, xatirә muzeylәri;
   muzey qoruqlar;
   
4. Rәsm qalereyaları vә sәrgi salonları;
   
5. Zooparklar, akvariumlar, planetarilәr, nәbatat bağları;
   
6. Mәdәniyyәt vә tarix profilli arxivlәr;
   
7. Klub vә asudә vaxtın tәşkili müәssisәlәri:
   şәhәr, rayon, qәsәbә, kәnd mәdәniyyәt sarayları vә evlәri, klublar, klub tipli müәssisәlәr;
   mәdәniyyәt vә istirahәt parkları, asudә vaxt mәrkәzlәri;
   
8. Tәhsil vә tәdris müәssisәlәri:
   mәdәniyyәt profilli ali vә orta ixtisas tәhsil müәssisәlәri, ixtisasartırma kursları, uşaq musiqi, incәsәnәt,
   rәssamlıq, muğam vә xoreoqrafiya mәktәblәri;
   
9. Elmi, metodiki mәrkәzlәr vә kabinetlәr:
   mәdәniyyәt üzrә elmi-tәdqiqat institutları vә mәrkәzlәri;
   mәdәniyyәt, muzey işi üzrә elmi-metodik mәrkәzlәr, musiqi tәhsili üzrә metodiki kabinet, muzey
   sәrvәtlәrinin vә xatirә әşyalarının elmi bәrpa mәrkәzi;
   
10. Mәdәniyyәt vә incәsәnәtin tәbliği vә yayımı müәssisәlәri:
    mәdәniyyәt vә incәsәnәt profilli nәşriyyatlar, qәzet, jurnal vә bülleten redaksiyaları, informasiya
    mәrkәzlәri, informasiya-reklam müәssisәsi, bәdii-istehsalat müәssisәlәri, kinoteatrlar, kinostudiyalar,
    televiziya, radio vә sairә.
    Dövlәt mәdәniyyәt sisteminin başlıca vәzifәsi milli mәdәniyyәt sәrvәtlәrinin, dünya mәdәniyyәti
    nümunәlәrinin etibarlı şәkildә toplanıb qorunaraq gәlәcәk nәsillәrәçatdırılmasından, onların әhali arasında
    geniş tәbliğindәn, Azәrbaycan xalqının adәt vәәnәnәlәrinә bağlı, milli, mәnәvi vә mәdәni, bәşәri
    dәyәrlәrә yiyәlәnәn, müstәqil vә yaradıcıdüşünәn vәtәndaşlar yetişdirilmәsinә fәal yardım etmәkdәn
    ibarәtdir.
    

Maddә 21. Mәdәniyyәt fәaliyyәti vә onun növlәri

Mәdәniyyәt sәrvәtlәrinin yaradılması, toplanması, tәdqiqi, tәbliği, yayılması, nümayişi vә qorunması mәdәniyyәt fәaliyyәti hesab olunur.

Azәrbaycan Respublikasının qanunvericiliyi ilә müәyyәn edilmiş qaydada bütün hüquqi vә fiziki şәxslәr
mәdәniyyәt fәaliyyәti ilә mәşğul olmaq hüququna malikdirlәr.
Mәdәniyyәt fәaliyyәti muzey, әdәbiyyat, tәsviri vә tәtbiqi sәnәt, kinematoqrafiya, teatr, musiqi, kitabxana,
mәdәni-maarif, kitab nәşri, arxiv, memarlıq, dizayn, televiziya, radio vә sair fәaliyyәt növlәrindәn
ibarәtdir. Mәdәniyyәt fәaliyyәtinin ayrı-ayrı növlәri sahәsindә münasibәtlәr müvafiq qanunvericilik
aktları ilә tәnzimlәnir.

Maddә 22. Muzey fәaliyyәti

Elmi, mәdәni, mәnәvi vә estetik tәlәbatın ödәnilmәsi mәqsәdilә insan, onun fәaliyyәti vә yaşayış mühiti haqqında mәdәniyyәt sәrvәtlәrinin vә maddi nümunәlәrin әldәedilmәsi, qorunması, uçotu, tәdqiqi, tәbliği vә nümayişi muzey fәaliyyәti hesab olunur. Muzeylәrin, yaradılma mәqsәdlәrinә vә muzeylәrdәki mәdәniyyәt sәrvәtlәrinin nüfuzuna xәlәl gәtirәn kommersiya fәaliyyәti ilә mәşğul olmaları, digәr muzeylәrin kolleksiya toplamaq hüquqlarını pozmaları qadağandır.

Maddә 23. Әdәbi, tәsviri vә tәtbiqi sәnәt, teatr, musiqi vә konsert fәaliyyәti

Әdәbi, tәsviri vә tәtbiqi sәnәt, teatr, musiqi vә konsert fәaliyyәti vәtәndaşların mәdәniyyәt sәrvәtlәrindәn istifadә hüququnu tәmin etmәk, onların bәdii-estetik tәlәbatınıödәmәk, sәhnә, musiqi vә ifaçılıq sәnәti sahәsindә yaradılan bәdii әsәrlәrdәn tam vә sәrbәst surәtdә faydalanmaq mәqsәdilә hәyata keçirilir. Әdәbi, teatr, tәsviri vә tәtbiqi sәnәt, musiqi vә konsert fәaliyyәti sahәsindә yeni bәdii dәyәrli әsәrlәrin yaradılması vә meydana çıxmasını tәmin etmәk mәqsәdilә dövlәt yaradıcılıq sifarişlәri tәtbiq olunur.

Maddә 24. Kitabxana fәaliyyәti

Kitabxana fәaliyyәti vәtәndaşların sәrbәst surәtdә informasiya almaq hüququnu tәmin etmәk, onların kitablara, dövri nәşrlәrә vә kitabxana fondunu tәşkil edәn başqa sәnәdlәrә olan tәlәbatını ödәmәk mәqsәdilә hәyata keçirilir. Nәşriyyat mәhsulunu vә digәr çap mәhsullarını hazırlayan müәssisә sifarişçinin hesabına buraxılmış kitabların vә mәtbu nәşrlәrin pulsuz mәcburi nüsxәlәrini qanunvericiliklә müәyyәn edilmiş kitabxanalara vә tәşkilatlara göndәrir. ^[1]

Maddә 25. Mәdәni-maarif fәaliyyәti
Mәdәni-maarif fәaliyyәti özfәaliyyәt әsasında sәrbәst yaradıcılıq fәaliyyәtinin hәyata keçirilmәsinin tәmin

olunmasıdır. Mәdәni-maarif tәsisatı ayrı-ayrı növlәrdәn olan mәdәniyyәt xidmәtlәri göstәrә bilәr, öz
tәrkibindә digәr mәdәniyyәt tәsisatı (kitabxana, teatr, incәsәnәt mәktәblәri vә s.) yarada bilәr.
Maddә 26. Kinematoqrafiya fәaliyyәti
Kinematoqrafiya fәaliyyәti kinofilmlәrin yaradılmasına, yayılmasına vә qorunmasına yönәldilәn yaradıcılıq,

istehsalat, elmi, texniki vә tәhsil kompleksini әhatә edir. V fәsil

MӘDӘNİYYӘT SAHӘSİNDӘ TӘŞKİLATİ VӘ MÜLKİYYӘT MÜNASİBӘTLӘRİ

Maddә 27. Mәdәniyyәt vә yaradıcılıq fәaliyyәti ilә mәşğul olan subyektlәr

Mәdәniyyәt vә yaradıcılıq fәaliyyәti ilә mәşğul olan fiziki şәxslәr, mәdәniyyәt tәsisatları mәdәniyyәt
vә yaradıcılıq fәaliyyәtinin subyektlәridirlәr.
Mәdәniyyәt tәsisatları -әsas vәzifәsi mәdәniyyәt vә yaradıcılıq fәaliyyәti olan tәşkilatlar, idarәlәr
vә müәssisәlәrdir.
Mәdәniyyәt vә yaradıcılıq fәaliyyәtinin subyektlәri qanunla müәyyәn olunmuş vergilәri
vә mәcburi ödәmәlәri vermәyә borcludurlar.
Mәdәniyyәt vә yaradıcılıq fәaliyyәtinin subyektlәri özlәrinin yaradıcılıq vә iqtisadi
fәaliyyәtlәrindә sәrbәstdirlәr.

Maddә 28. Mәdәniyyәt tәsisatlarının yaradılması, yenidәn tәşkili vә lәğvi

Mәdәniyyәt tәsisatları müvafiq icra hakimiyyәti vә yerli özünüidarә orqanları, istәnilәn hüquqi
vә fiziki şәxslәr tәrәfindәn yaradıla bilәr.
Mәdәniyyәt tәsisatlarının yaradılması, yenidәn tәşkili vә lәğvi Azәrbaycan Respublikasının
qanunvericiliyindә müәyyәn edilmiş qaydada hәyata keçirilir.

Mәdәniyyәt tәsisatının mülkiyyәtçisi (tәsisçisi) ilә mәdәniyyәt tәsisatı arasında münasibәtlәr Azәrbaycan

bağlanmış müqavilәdә tәrәflәrin öhdәliklәri, әmlakdan istifadәnin şәrtlәri vә qaydaları, mәdәniyyәt tәsisatının maliyyәlәşdirilmәsi qaydası, tәrәflәrin maddi mәsuliyyәti, müqavilәnin lәğv edilmәsinin әsasları vә şәrtlәri, sosial vәәmәk mәsәlәlәrinin hәlli qaydalarımüәyyәn edilә bilәr. Dövlәt mәdәniyyәt müәssisәlәrinin yaradılması, yenidәn tәşkili, lәğv olunması vә profilinin dәyişdirilmәsi müvafiq icra hakimiyyәti orqanının qәrarı ilә hәyata keçirilir.

Maddә 29. Mәdәniyyәt sahәsindә mülkiyyәt münasibәtlәri

Mәdәniyyәt sәrvәtlәri, habelә mәdәniyyәt tәyinatlı daşınar vә daşınmaz әmlak, mәdәniyyәt
tәsisatları dövlәt, bәlәdiyyә vә xüsusi mülkiyyәtdә, habelә mülkiyyәtin qarışıq formalarında ola bilәr.
Mәdәniyyәt sahәsindә mülkiyyәtçinin hüquqları vә vәzifәlәri Azәrbaycan Respublikasının müvafiq
qanunvericiliyi ilә müәyyәn edilir.
Mәdәniyyәt sahәsindә dövlәt mülkiyyәti müvafiq icra hakimiyyәti orqanları tәrәfindәn idarә olunur.
Mәdәniyyәt sahәsindә dövlәt mülkiyyәti yalnız qanunvericilikdәmüәyyәn edilmiş qaydada digәr
tәşkilatların istifadәsinә vә ya idarәçiliyinә verilә bilәr. Bu halda mәdәniyyәt mülkiyyәtindәn tәyinatına
uyğun istifadә edilmәlidir.

Maddә 30. Mәdәniyyәt tәsisatlarının әmlakı

Mәdәniyyәt tәsisatının mülkiyyәtindә vә ya idarәçiliyindә öz vәzifәlәrini yerinә yetirmәk üçün zәruri olan
istәnilәn әmlak ola bilәr.
İdarәçiliyindә olan әmlakın sәmәrәli istifadәsinә vә qorunub saxlanmasına görә mәdәniyyәt
tәsisatı mülkiyyәtçi (tәsisçi) qarşısında mәsuliyyәt daşıyır.
Mәdәniyyәt tәsisatının idarәçiliyindә olan әmlakın geri alınmasına Azәrbaycan Respublikasının
qanunvericiliyindә vә ya mülkiyyәtçi (tәsisçi) ilә bağlanmış müqavilәdәnәzәrdә tutulan hallarda yol verilir.

Maddә 31. Mәdәniyyәt sahәsindә dövlәt mülkiyyәtinin özәllәşdirilmәsi

Mәdәniyyәt sahәsindә dövlәt mülkiyyәtinin özәllәşdirilmәsi Azәrbaycan Respublikasının müvafiq qanunvericiliyi ilә müәyyәn olunmuş qaydada hәyata keçirilir. Qanunvericiliklә müәyyәn olunmuş qaydada milli status alan mәdәniyyәt tәsisatları, tarix vә mәdәniyyәt abidәlәri, dövlәt muzeylәrindә, arxivlәrindә, kitabxanalarında saxlanılan sәrvәtlәr vә onların yerlәşdiyi binalar vә sahәlәr özәllәşdirilmir.

Maddә 32. Dövlәt mәdәniyyәt tәsisatlarının milli vә akademik statusu

Dövlәt mәdәniyyәt tәsisatlarına milli obyekt statusu onların işinin hәcminә, ölkәnin mәdәniyyәt
tarixindә vә mәdәni hәyatındakı roluna, yaradıcılıq fәaliyyәtininәhәmiyyәtinә, fondlarının zәnginliyinә,
nadirliyinә, milli dәyәrlәrin qorunması vә tәbliği sahәsindә nailiyyәtlәrinә görә müvafiq icra hakimiyyәti
orqanı tәrәfindәn verilir.
Milli statusa malik mәdәniyyәt tәsisatlarının fondları vәәmlakı milli sәrvәt hesab olunur
vә xüsusi әhәmiyyәtli obyektlәr kimi dövlәt tәrәfindәn qorunur.
Milli mәdәniyyәtin inkişafında xüsusi xidmәtlәri olan dövlәt mәdәniyyәt tәsisatlarına müvafiq icra
hakimiyyәtinin qәrarı ilә fәrqlәndirici akademik statusu verilә bilәr.

VI fәsil

MӘDӘNİYYӘT SӘRVӘTLӘRİ VӘ MİLLİ MӘDӘNİYYӘT ӘMLAKI

Maddә 33. Mәdәniyyәt sәrvәtlәri

Mәnәvi vә estetik ideallar, normalar vә davranış qaydaları, dillәr, dialektlәr, lәhcәlәr, milli
vә etnik әnәnәlәr vә adәtlәr, tarixi toponimlәr, folklor, tәtbiqi xalq sәnәtlәri, mәdәniyyәt
vә incәsәnәt әsәrlәri, mәdәniyyәt fәaliyyәtinin elmi tәdqiqatının nәticәlәri vә metodları, tarixi
vә mәdәni әhәmiyyәti olan binalar, tikililәr, әşyalar, tarix vә mәdәniyyәt baxımından unikal әrazilәr
vә obyektlәr mәdәniyyәt sәrvәtlәridir.
Mәdәniyyәt sәrvәtlәrinә aşağıdakılar aiddir:
tәsviri sәnәt әsәrlәri, o cümlәdәn lövhәlәr, şәkillәr, rәsmlәr, qravürlәr, estamplar, litoqrafiyalar, naxışlar,
heykәltәraşlıq әsәrlәri, orijinal bәdii toplular vә montajlar;
kino, xüsusi әhәmiyyәtli televiziya, radio, video materialları, fotoәsәrlәr vә fotomateriallar, dizayn
işlәmәlәri vә memarlıq layihәlәri;

әlyazmalar, xüsusi әhәmiyyәtә malik kitablar vә kitabçalar, dövri mәtbuat materialları, avtoqraflar,
markalar, açıqcalar, mәdәniyyәt vә tarix profilli arxivlәr vә arxiv sәnәdlәri, not yazıları, mәktublar, elmitarixi yadigarlar, nadir nәşrlәr;
tәtbiqi-sәnәt әsәrlәri - xalılar vә xalça mәmulatları, qızıl, platin, gümüş, qiymәtli daşlar, mis vә gildәn
hazırlanmış әşyalar, keramika mәmulatı;
sәhnә vә ekran әlbisәlәri, dekorları, butaforiya vә rekvizitlәri;
qәdim nadir kolleksiyalar vә otuz ildәn çox tarixi olan muzey әhәmiyyәtli әşyalar (o cümlәdәn mebel,
musiqi alәtlәri vә s.);
şifahi xalq yaradıcılığı nümunәlәri;
arxeoloji komplekslәr, arxeoloji vә numizmatik xarakterli әşyalar;
memarlıq abidәlәri, tikili nümunәlәri, xatirә yerlәri vә mәqbәrәlәr;
park vә tәbii landşaft obyektlәri;
flora vә fauna, mineralogiya, anatomiya nümunәlәri vә paleontologiya baxımından
maraqlı muzey әşyaları.

Maddә 34. Mәdәniyyәt sәrvәtlәrinin qeydә alınması