превземено од w w w . p r a v o . o r g . m k
ЗАКОН ЗА ДОПОЛНУВАЊЕ НА ЗАКОНОТ ЗА ЗАШТИТА НА ТОПОГРАФИЈАТА НА ИНТЕГРАЛНИТЕ КОЛА
Сл. Весник на Р. Македонија, бр.136 од 03.10.2011 година
Член 1
Во Законот за заштита на топографијата на интегралните кола („Службен весник на Република Македонија“ брoj 5/98 и 33/2006), по членот 13 се додава нов член
13-а, кој гласи:
„Член 13-а
(1) Решението од членот 13 став (4) од овој закон Заводот го издава во рок од
15 дена од денот на приемот на барањето со потребната документација за издавање на решението.
(2) Доколку заводот не го издаде решението, односно не донесе решение за
одбивање на барањето во рокот утврден во ставот (1) на овој член, подносителот на барањето има право во рок од три работни дена од истекот на тој рок да поднесе барање до писарницата на директорот заради донесување на решение од страна на директорот.
(3) Формата и содржината на образецот на барањето од ставот (2) на овој член ги пропишува директорот.
(4) Директорот е должен во рок од пет работни дена од денот на поднесувањето
на барањето од ставот (2) на овој член до писарницата на директорот да донесе решение со кое барањето за утврдување на повреда на правото е уважено или
одбиено. Доколку директорот нема писарница барањето се поднесува во
писарницата на седиштето на Заводот.
(5) Кон барањето за остварување на правото од ставот (2) на овој член подносителот на барањето поднесува копие од барањето од членот 13 став (1) од
овој закон.
(6) Доколку директорот не донесе решение во рокот од ставот (4) на овој член, подносителот на барањето може да го извести Државниот управен инспекторат во
рок од пет работни дена.
(7) Државниот управен инспекторат е должен во рок од десет дена од денот на приемот на известувањето од ставот (6) на овој член да изврши инспекциски
надзор во Заводот и да утврди дали е спроведена постапката согласно со закон и
во рок од три работни дена од денот на извршениот надзор да го извести подносителот на барањето за утврдената состојба при извршениот надзор.
(8) Инспекторот од Државниот управен инспекторат од ставот (7) на овој член по
извршениот надзор согласно со закон донесува решение со кое го задолжува директорот во рок од десет дена да одлучи по поднесеното барање, односно да го уважи или одбие барањето и за преземените мерки во истиот рок да го извести инспекторoт и да му достави примерок од актот со кој е одлучено по барањето.
(9) Доколку директорот не одлучи во рокот од ставот (8) на овој член, инспекторот ќе поднесе барање за поведување на прекршочна постапка за
прекршок утврден во Законот за управаната инспекција и ќе определи
дополнителен рок од пет работни дена во кој директорот ќе одлучи по поднесеното барање за што во истиот рок ќе го извести инспекторот за донесениот акт. Кон известувањето се доставува копија од актот со кој одлучувал по поднесеното барање. Инспекторот во рок од три работни дена ќе го информира подносителот на барањето за преземените мерки.
(10) Доколку директорот не одлучи и во дополнителниот рок од ставот (9) на овој член, инспекторот во рок од три работни дена ќе поднесе пријава до надлежниот
1
превземено од w w w . p r a v o . o r g . m k
јавен обвинител и во тој рок ќе го информира подносителот на барањето за преземените мерки.
(11) Доколку инспекторот не постапи по известувањето од ставот (7) на овој член, подносителот на барањето во рок од пет работни дена има право да поднесе приговор до писарницата на директорот на Државниот управен
инспекторат. Доколку директорот нема писарница, барањето се поднесува во писарницата на седиштето на Државниот управен инспекторат.
(12) Директорот на Државниот управен инспекторат е должен во рок од три работни дена од денот на приемот да го разгледа приговорот од ставот (11) на овој член и доколку утврди дека инспекторот не постапил по известувањето од
подносителот на барањето од ставот (6) на овој член или не поднел пријава согласно со ставот (10) на овој член, директорот на Државниот управен
инспекторат ќе поднесе барање за поведување на прекршочна постапка за прекршок утврден во Законот за управната инспекција за инспекторот и ќе
определи дополнителен рок од пет работни дена во кој инспекторот ќе изврши надзор во Заводот дали е спроведена постапката согласно со закон и во рок од три работни дена од денот на извршениот надзор да го информира подносителот
на барањето за преземените мерки.
(13) Доколку инспекторот не постапи и во дополнителниот рок од ставот (12) на овој член директорот на Државниот управен инспекторат ќе поднесе пријава до
надлежниот јавен обвинител против инспекторот и во рок од три работни дена ќе
го информира подносителот на барањето за преземените мерки.
(14) Во случајот од ставот (13) на овој член директорот на Државниот управен инспекторат веднаш, а најдоцна во рок од еден работен ден, ќе овласти друг инспектор да го спроведе надзорот веднаш.
(15) Во случајот од ставот (14) на овој член директорот на Државниот управен инспекторат во рок од три работни дена ќе го информира подносителот на
барањето за преземените мерки.
(16) Доколку директорот на Државниот управен инспекторат не постапи согласно со ставот (12) на овој член, подносителот на барањето може да поднесе пријава
до надлежниот јавен обвинител во рок од осум работни дена.
(17) Доколку директорот не одлучи во рокот од ставот (10) на овој член, подносителот на барањето може да поведе управен спор пред надлежниот суд.
(18) Постапката пред Управниот суд е итна.
(19) Подзаконскиот акт од ставот (3) на овој член ќе се донесе во рок од 30 дена од денот на влегувањето во сила на овој закон.
(20) По донесувањето на подзаконскиот акт од ставот (3) на овој член истиот
веднаш, а најдоцна во рок од 24 часа се објавува на веб страницата на Заводот“.
Член 2
Против решението со кое се одбива барањето за издавање на решение, барателот има право на жалба во рок од 15 дена до Државната комисија за одлучување во
управна постапка и постапка од работен однос во втор степен.
Член 3
Овој закон влегува во сила осмиот ден од денот на објавувањето во „Службен весник на Република Македонија“, освен одредбата од членот 2 на овој закон
која ќе започне да се применува со започнување на примената на Законот за основање на Државна комисија за одлучување во управна постапка и постапка од
работен однос во втор степен .
2