__________
2016 Teuteuga o le Tulafono o Faasalalauga Nu. 7
SAMOA
Faatulagaina o Aiaiga
1. Igoa puupuu ma le amataga 10. Galuega tauave ma tiute o le
2. Faamatalaina o uiga o upu Pule Faatonu e uiga i faiga
3. Sini autu o lenei Tulafono faatauva
4. Faaofiina o aiaiga fou 11. Soloia o fuaiupu
5. Tofiaina o le Pule Faatonu 12. Faia o faaiuga mo le faaaogā
6. Ofisa o le Pule Faatonu o sese o tulaga iloga o kamupani
Faasalalauga ma faiga e taofiofia ai faiga
7. Vaega III e faasino i le Komisi faatauva
Faamasino o Faasalalauga 13. Auala e foia ai le faaaogā sese
8. Talosaga tetee e tuuina atu i le o tulaga iloga ma faiga e le o
Komisi Faamasino o ni faiga faatauva
Faasalaluga e uiga i poloaiga a 14. Faasee atu o le vaaiga o
le Pule Faatonu kamupani e tuuina atu
9. Faiga faavae a le Ofisa o auaunaga
Faasalalauga 15. Talosaga tetee e faasaga i tau
faaopoopo
16. Teuteuga faatupulaia
2016, Nu. 7
O SE TULAFONO e teuteu ai le Tulafono o Faasalalauga 2010
(“o le Tulafono Autu”). [09 Fepuari 2016]
UA FAIA e le Fono Aoao Faitulafono o Samoa i totonu o le
Palemene ua potopoto e faapea:
2 Teuteuga o le Tulafono o Faasalalauga 2016, Nu. 7
1. Igoa puupuu ma le amataga-(1) E mafai ona taua lenei
Tulafono o le Tulafono o Teuteuga o le Tulafono o Faasalalauga
2016.
(2) O lenei Tulafono e amata faamamaluina i le aso e tuuina i
ai le maliega a Le Ao o le Malo.
2. Faamatalaina o uiga o upu - I totonu o le fuaiupu 2 o le
Tulafono Autu:
(a) mo le faamatalaina o le uiga o upu “auaunaga tau
faasalalauga” ia suia e faapea:
““auaunaga tau faasalalauga” o lona uiga o se auaunaga lea
o lo o faaooina atu ai polokalame tau televise po o
polokalame tau leitio i se tagata o lo o i ai ni masini
talafeagai e mauaina ai lea auaunaga, tusa lava po o
faaooina atu e faaaogāina ai fusi o alaleo o peau-ea o le
leitio, uaea malosi, uaea mo le malamalama, satelite po
o so o se isi lava faiga o le tuufaatasiga o ia auala ua
taua, ae peitai, e lē aofia ai mea nei:
(a) se auaunaga (e aofia ai auaunaga tau faasalalauga o
tala fou ma faamatalaga i televise) o lo o faapea
ona faaooina atu ai na o faamatalaga faamauina,
po o ua na o feau tusitusia faatelesi (ua i ai
faatasi po o le aunoa ai ma le tuufaatasiga o ni
ata e lē gaoioi); po o
(b) se auaunaga ua faapea ona faaavanoa ai polokalame
i taimi e manaomia ai, i se faiga mai le tasi
tagata i le isi, e aofia ai se auaunaga o fesootaiga
tau initaneti i laina telefoni;”; ma
(b) ia faaofi i le faasologa o le pi faitau faa-Peretania:
““Komisi Faamasino o Faasalalauga” o lona uiga o le
Komisi Faamasino o Fesootaiga ua faavaeina i lalo o le
Tulafono o Fesootaiga 2005;”.
3. Sini autu o lenei Tulafono - Ua teuteuina le fuaiupu 3 o le
Tulafono Autu e faapea:
(a) ia soloia le parakalafa (b) ma le (h); ma
32016, Nu. 7 Teuteuga o le Tulafono o Faasalalauga
(b) i le tuanai ai o le parakalafa (o), ia faaofi e faapea:
“(p) ia uunaia ma faataua vaega eseese o le aganuu; ma
(q) ia faavaeina faiga mo le faafoeina o mataupu o aofia
ai i faasalalauga ina ia puipuia ai vaega maaleale
o tagata lautele e pei o tamaiti, ma ia atagia ai
tulaga aloaia o nuu ma afioaga.”.
4. Faaofiina o aiaiga fou - I le tuanai ai o le fuaiupu 4 o le
Tulafono Autu, i lalo o le Vaega II, ia faaofi e faapea:
“4A. O le Pule Faatonu ma le Ofisa o le Pule Faatonu -
O le a avea le Pule Faatonu o lo o i lalo o le Tulafono o
Fesootaiga 2005 ona o le tofi, ma Pule Faatonu o Faasalalauga,
ma o le a tatau ona galulue le Ofisa o le Pule Faatonu ua
faavaeina i lalo o le Tulafono o Fesootaiga 2005, e avea ma
Ofisa o le Pule Faatonu o Faasalalauga ina ia tusa ai ma le
Tulafono o Fesootaiga 2005, ae vagana ai ma seia oo ina
faapea ua tofia ma faafoeina eseese e tusa ai ma lenei Vaega.”.
5. Tofiaina o le Pule Faatonu - Ua teuteuina le fuaiupu 5 o le
Tulafono autu e faapea:
(a) mo le faafuaiupu (1), (2) ma le (3) ia suia e faapea:
“(1) E mafai e Le Ao o le Malo, i le faia i luga o le fautuaga
a le Kapeneta, ona tofia se tagata e avea ma Pule Faatonu mo
se vaitaimi e oo atu i le tolu (3) tausaga, o ia lea o le a i ai, ma
ia faatinoina matafaioi, galuega tauave ma malosiaga ua faaee
atu e lenei Tulafono ma so o se tulafono talafeagai.
(2) E mafai ona toe faafou le tofiga o se Pule Faatonu e Le
Ao o le Malo, i le faia i luga o le fautuaga a le Kapeneta.
(3) E mafai e le Kapeneta ona tofia se faalapotopotoga
faaletulafono talafeagai i totonu po o fafo atu o Samoa, e galue
e avea ma Pule Faatonu mo faamoemoega o lenei Tulafono i
luga o ia tuutuuga, ma mo ia vaitaimi e pei ona faamaonia e le
Kapeneta, ma pe afai e le o toe manaomia le
4 Teuteuga o le Tulafono o Faasalalauga 2016, Nu. 7
fuafuaga po o ua iloiloina e faapea, ua lē faamalieina tulaga e
ausia ai sini o lenei Tulafono, e mafai e le Kapeneta ona
faalēaogāina sea tofiga.”;
(b) ua soloia faafuaiupu (4), (7)(a) ma le (10);
(c) i le faafuaiupu (8) ma le (9), mo le “faafuaiupu (4)”, ia
suia i le “faafuaiupu (3)”.
6. Ofisa o le Pule Faatonu o Faasalalauga - I totonu o le
fuaiupu 8, ia soloia le faafuaiupu (15) o le Tulafono Autu.
7. Vaega III e faasino i le Komisi Faamasino o Faasalalauga
- Ua soloia le Vaega III o le Tulafono Autu.
8. Talosaga tetee e tuuina atu i le Komisi Faamasino o
Faasalaluga e uiga i poloaiga a le Pule Faatonu - I totonu o le
fuaiupu 10(1) o le Tulafono Autu, ia aveese upu “ua faavaeina i
lalo o le fuaiupu 11”.
9. Faiga faavae a le Ofisa o Faasalaluga-(1) Ua teuteuina le
fuaiupu 29 o le Tulafono Autu e faapea:
(a) i totonu o le faafuaiupu (1), mo upu “E tatau i le
Matagaluega ona faatu mai, ma e” ia suia i upu,
“E”;
(b) ua soloia le faafuaiupu (4) o le Tulafono Autu;
(c) i totonu o le faafuaiupu (9), i le tuanai ai o upu
“faatalanoa ma” ia faaofi upu, “le Pule Faatonu ma
isi”.
10. Galuega tauave ma tiute o le Pule Faatonu e uiga i faiga
faatauva - Ua teuteuina le fuaiupu 31 o le Tulafono Autu e faapea:
(a) i totonu o le faafuaiupu (1), ua soloia le parakalafa (c),
(d) ma le (e);
(b) mo le faafuaiupu (2), ia suia e faapea:
“(2) Afai e tulai mai se feteenaiga i le va o aiaiga o lenei
Tulafono ma aiaiga o so o se isi lava tulafono o lo o
faatonutonuina ai faiga faatauva i maketi tau faasalalauga i
52016, Nu. 7 Teuteuga o le Tulafono o Faasalalauga
totonu o Samoa, e tatau ona mausali pea aiaiga o lenei Vaega
seia vagana ai le tulaga e faasino i le Tulafono o Fesootaiga
2005, mo lea tulaga, e mausali lava le tulaga o lo o taua
mulimuli.”.
11. Soloia o fuaiupu - Ua soloia le fuaiupu 32 ma le 33 o le
Tulafono Autu.
12. Faia o faaiuga mo le faaaogā sese o tulaga iloga o
kamupani ma faiga e taofiofia ai faiga faatauva - Mo le fuaiupu
35 o le Tulafono Autu, ia suia e faapea:
“35. Faia o faaiuga i faiga e lē faatauva a kamupani e
tuuina atu auaunaga - E mafai e le Pule Faatonu, i luga o se
talosaga a so o se tagata, po o i luga o lona ia lava sogasoga
lelei, ona fuafuaina e faapea:
(a) e tusa lava pe ua tulai mai e faapea ua faia ai pe leai
foi i gaoioiga po o galuega a se kamupani o
tuuina atu auaunaga, ni faiga e le o ni faiga
faatauva e tusa ai ma le uiga o le fuaiupu 34; po
o
(b) e faapea ua faatagaina se gaoioiga po o se galuega a
se kamupani o tuuina atu auaunaga i lalo o le
fuaiupu 34, ma e le o solia ai lenei Tulafono i
luga o mafuaaga e faapea, o ia ituaiga galuega e
mo le manuia o tagata lautele ma ogatasi i se isi
faiga e ese ai, ma sini ua faatulagaina i totonu o
le fuaiupu 3.”.
13. Auala e foia ai le faaaogā sese o tulaga iloga ma faiga e
le o ni faiga faatauva - Ua teuteuina le fuaiupu 36 o le Tulafono
Autu e faapea:
(a) i le ulutala o le fuaiupu, ia aveese upu “faaaogā sese o
tulaga iloga ma”;
(b) ia aveese upu “faaaogā sese o le tulaga iloga o
kamupani o tuuina atu auaunaga po o”.
__________
6 Teuteuga o le Tulafono o Faasalalauga 2016, Nu. 7
14. Faasee atu o le vaaiga o kamupani e tuuina atu
auaunaga - I totonu o le fuaiupu 37, i le faafuaiupu (2) o le
Tulafono Autu, ia suia e faapea:
“(2) E lē tatau ona faamamaluina le faasee ese atu o le
vaaiga o se kamupani tutoatasi ua laiseneina e aunoa ma le
faamaoniga na uluai tuuina atu e le Pule Faatonu pe afai, i le
taunuuga o le faasee atu, o le vaaiga o se tagata na o ia pe ma
sui auai o le a vaaia se kamupani e tuuina atu auaunaga, lea o le
aofaiga atoa o a latou tupe maua i se maketi tumaoti tau
faasalalauga, e 40% pe sili atu foi, i le tuufaatasiga atoa o tupe
maua a kamupani uma e tuuina atu auaunaga, i totonu o lea
maketi.”.
15. Talosaga tetee e faasaga i tau faaopoopo - I totonu o le
fuaiupu 40(2) o le Tulafono Autu, ia aveese upu “ua faavaeina i
lalo o le fuaiupu 11”.
16. Teuteuga faatupulaia-(1) I totonu o le Tulafono Autu, ia
aveese upu “iloga” i fea lava o aliali mai ai.
(2) I totonu o le fuaiupu 2 o le Tulafono Autu, ia aveese upu
“faiga faavae e faatino ai avanoa lautele” ma lona faauigaina mai
le vaega o le faamatalaina o uiga o upu.
(3) Ua soloia le fuaiupu 30(1)(a) o le Tulafono Autu.
O le Tulafono o Teuteuga o le Tulafono o Faasalalauga 2016
o lo o faafoeina e le Matagaluega o Fesootaiga
ma Faamatalaga Tekonolosi.
Lolomiina e le Failautusi o le Fono Aoao Faitulafono,
i le pule a le Fono Aoao Faitulafono.